राजेश्री श्री छत्रपती शाहू महाराज हॉस्पिटल, जळगाव येथे ई.एस.आय.सी.योजनेअंतर्गत आधुनिक आरोग्य सुविधा उपलब्ध

जळगाव,(धर्मेंद्र राजपूत) दि.2 : राजेश्री श्री छत्रपती शाहू महाराज हॉस्पिटल, जळगाव येथे ई.एस.आय.सी. (Employees’ State Insurance Corporation – ESIC) योजनेच्या लाभार्थ्यांसाठी सर्व प्रकारच्या आधुनिक व दर्जेदार वैद्यकीय सुविधा उपलब्ध करून देण्यात आल्या आहेत. कामगार, कर्मचारी आणि त्यांच्या कुटुंबीयांना एकाच छताखाली तज्ज्ञ डॉक्टरांच्या मार्गदर्शनाखाली उत्तम उपचार मिळावेत, या उद्देशाने रुग्णालयात विविध विशेष विभाग कार्यरत आहेत.

रुग्णालयात जनरल मेडिसिन विभागामार्फत ताप, सर्दी, खोकला, मधुमेह, रक्तदाब तसेच इतर सर्वसामान्य आजारांचे निदान व उपचार केले जातात. आधुनिक तपासणी सुविधांसह अनुभवी वैद्यकीय अधिकारी रुग्णांना सेवा देत आहेत.

स्त्रीरोग व प्रसूती विभागात गर्भधारणेपूर्व व गर्भधारणेदरम्यान नियमित तपासणी (ANC), सुरक्षित सामान्य प्रसूती, सिझेरियन प्रसूती तसेच महिलांशी संबंधित विविध आजारांवर उपचाराची सुविधा उपलब्ध आहे.

अस्थिरोग (ऑर्थोपेडिक) विभागात हाडे, सांधे व स्नायूंशी संबंधित आजारांचे निदान, उपचार, फ्रॅक्चर व्यवस्थापन तसेच आवश्यक शस्त्रक्रिया केल्या जातात. अपघातग्रस्त रुग्णांसाठीही तातडीची सेवा उपलब्ध आहे.

जनरल सर्जरी विभागात हर्निया, अपेंडिक्स, पित्ताशय (Gall Bladder) तसेच इतर विविध शस्त्रक्रिया अनुभवी शल्यचिकित्सकांमार्फत केल्या जात आहेत.

नेत्ररोग विभागात डोळ्यांची संपूर्ण तपासणी, दृष्टीदोष निदान, मोतीबिंदू (Cataract) तपासणी व शस्त्रक्रिया तसेच इतर नेत्रविकारांवर उपचाराची सुविधा उपलब्ध आहे.

याशिवाय ई.एस.आय.सी. कार्डधारक लाभार्थ्यांसाठी तज्ज्ञ डॉक्टरांची सेवा, आधुनिक वैद्यकीय सुविधा, दर्जेदार उपचार आणि विश्वासार्ह आरोग्य सेवा उपलब्ध करून देण्यात आली आहे. अत्याधुनिक उपकरणे, प्रशिक्षित वैद्यकीय कर्मचारी आणि रुग्णाभिमुख सेवा यामुळे लाभार्थ्यांना गुणवत्तापूर्ण उपचार मिळत आहेत.

रुग्णालय प्रशासनाने सर्व ई.एस.आय.सी. कार्डधारक कर्मचारी व त्यांच्या कुटुंबीयांना या सुविधांचा जास्तीत जास्त लाभ घेण्याचे आवाहन केले आहे. आरोग्याशी संबंधित कोणतीही समस्या असल्यास वेळेत तपासणी करून उपचार घ्यावेत, असेही प्रशासनाने म्हटले आहे.

ई.एस.आय.सी. योजनेच्या अधिक माहितीसाठी व उपचारांसाठी राजर्षी श्री छत्रपती शाहू महाराज हॉस्पिटल, जळगाव येथे संपर्क साधावा, असे आवाहन करण्यात आले आहे.