जळगावात शिवजयंतीनिमित्त छत्रपती शिवाजी महाराजांच्या भव्य प्रतिकृतीचे अनावरण

जळगाव :(धर्मेंद्र राजपूत) दि18.महाराष्ट्र राज्याचे आराध्य दैवत छत्रपती शिवाजी महाराज यांच्या जन्मोत्सवानिमित्त (शिवजयंती) शहरात उत्साहाचे वातावरण असून, यानिमित्ताने एका विशेष सोहळ्याचे आयोजन करण्यात आले आहे. येत्या १९ फेब्रुवारी रोजी, सायंकाळी ७ वाजता प्रभाग ७ येथे शिवकॉलनी स्टॉप परिसरात महाराजांच्या एका भव्य-दिव्य प्रतिकृतीचे दर्शन सोहळा पार पडणार आहे.

प्रभाग ७ येथे शिव कॉलनीत उपस्थितीचे नागरिकांना आवाहन 

याप्रसंगी आमदार राजूमामा भोळे, महापौर दिपमाला काळे,उप महापौर मनोज चौधरी महापालिकेचे स्थायी समिती सदस्य तथा प्रभागातील नगरसेवक विशाल भोळे, नगरसेविका अंकिताताई पाटील, नगरसेवक चंद्रशेखर अत्तरदे उपस्थित राहतील. “शिवराय मना-मनात, शिवजयंती घराघरात” या संकल्पनेतून साकारलेला हा सोहळा शिवप्रेमींसाठी मोठा आकर्षणाचा केंद्रबिंदू ठरणार आहे.

शिवरायांचे विचार घराघरात पोहोचावेत या उद्देशाने आयोजित या कार्यक्रमात महाराजांच्या आकर्षक प्रतिकृतीचे पूजन केले जाणार आहे. आयोजकांनी सर्व जळगावकर नागरिकांना या ऐतिहासिक सोहळ्याला उपस्थित राहून दर्शनाचा लाभ घेण्याचे आवाहन कार्यक्रमाचे आयोजक पंकज सुरेश पाटील (सामाजिक कार्यकर्ते) तथा शिवनेरी ग्रुप यांच्या वतीने करण्यात आले आहे.