५१ पूरग्रस्त शेतकऱ्यांना बियाणे,खते व फराळाचे वाटप


जळगांव दि.12 येथील कृषीसम्राट व भरारी फाउंडेशनतर्फे जिल्ह्यातील पूरग्रस्त शेतकऱ्यांसाठी बियाणे , किटकनाशके,खते तसेच दिवाळी फराळाचे वाटप करण्यात आले. जिल्ह्यातील शेतकऱ्यांच्या जमिनी पूरामुळे वाहून गेल्याने अतोनात नुकसान झाले असून कृषीसम्राट फाउंडेशन व सनशाईन ऍग्रो यांच्या सहकार्याने बियाणे,खते व कीटकनाशके शेतकऱ्यांना वाटप करण्यात आले. तसेच दिवाळी सणानिमित्त फराळाचे वाटप यावेळी झाले. रविवारी सकाळी झालेल्या कार्यक्रमात खासदार स्मिता वाघ यांनी भरारी फाउंडेशन हे शेतकरी संवेदना अभियानाच्या माध्यमातून शेतकऱ्यांच्या कटीबद्ध असल्याची तसेच पूरस्थिती मुळे आलेल्या संकटात शेतकऱ्यांना सर्वतोपरी मदत करण्याचे आश्वासन दिले तसेच आमदार सुरेश भोळे यांनी भीषण पूरस्थिती बघता पूरस्थितांना या परिस्थितून सावरण्यासाठी ही छोटीशी मदत असल्याचे शेतकऱ्यांनी खचून जाऊ नये असे यावेळी सांगितले.
जळगांव तालुक्यातील धानवड, उमाळे, सुभाषवाडी वराड, तसेच पाचोरा तालुक्यातील पिंपरी, घुसर्डी, शिंदाड,जामनेर तालुक्यातील नेरी दिगर येथील ५१ शेतकरी उपस्थित होते. याप्रसंगी खासदार स्मिता वाघ, अनिश शहा, हर्ष चौधरी, रवींद्र लढ्ढा, डॉ. प्रसन्नाकुमार रेदासनी, नानासाहेब सुर्यवंशी, अनिकेत पाटील, आशिष भंडारी, आदेश ललवाणी,अॅड किशोर पाटील, सपन झुनझुनवाला,चित्रा चौधरी,सागर पगारीया, भगवान तिवारी आदी उपस्थित होते. यशस्वीतेसाठी दिपक जोशी, देवराज बोरसे, अक्षय सोनवणे, शिरीषकुमार तायडे यांनी सहकार्य केले. प्रस्तावित बाळासाहेब सुर्यवंशी, सुत्रसंचलन दीपक परदेशी,तर आभार भूषण लाडवंजारी यांनी मानले




